Search Tags
Тегтер
Several comma-separated tags will be considered as logical AND between them. You can also use semicolon for logical OR. AND has a priority over OR and you cannot use parentheses for logical grouping. Asterisk (*) within a tag will be regarded as a mask for "any string".
Found in pages
  1. Студенттік өмірден сыр
    Разделы: Блог / Студенттік өмір
    Тегтер: Махаббат, Поэзия, Студент Сыры, Студенттік Өмір

    Досқа хат (Мұқағалидің ізімен)
    Қайсар-ау, 
    Хал-жайымды білсең еді, 
    Білмеймін қайтерімді… 
    Кім сенеді? 
    Асқазаным шұрылдап қоя берді,
    «Бегемоттан» көргенде күлшелерді. 
    Бардым-дағы қалшидым қарсы қарап, 
    Қарызға оқталдым боп нан сұрамақ. 
    Сұқтанған жат көздерден жасқандым да, 
    Тайып тұрдым. 
    Қашанғы әл шыдамақ. 
    Қарызға сұрамадым,үндемедім 
    Ақшам да бола бермес күнде менің.
    … Мен деген – ақшасы жоқ студентпін, 
    Керегім бола қойсын кімге менің?! 
    О, шіркін! 
    Сайран күндер. 
    Қайран нандар! 
    Құшағын дастарқанға жайған нандар.
    Қарын ашып келгенде нан бермейтін
    Қатыгез адамдарға айналмаңдар.
    Сол нандар ғой — қарынның аңсағаны, 
    Соны ойлап асқазан тамсанады. 
    Қара нан, қара судан қағылмаңдар
    Нан бар жерде жүрегім ән салады. 
    Нансыз өмір аштыққа айналмай ма, 
    Өзегіңе аш пен дерт байланбай ма. 
    Нанға арнап айтшы бір повесть жазсын
    Қайсар-ау! 
    Арман кайда? 
    Арман қайда? 
    Арманға айт, 
    Халықты бір таңдандырсын, 
    Арландырсын жүректі, жандандырсын! 
    Арттағы інілер де айта жүрер, 
    Мәңгілік өлмейтұғын сөз қалдырсын!

    Ақпарат көзі: massaget.kz

  2. Студенттің махаббаты
    Разделы: Блог / Студенттік өмір
    Тегтер: Махаббат, Поэзия, Студенттік Өмір

    О, шіркін, тағы да күз келді. 
    Оқу жыл басталды шамасы. 
    Студент боп жүрген біздерді, 
    Күтеді Алматы қаласы. 

    Еншімде қап қойып елес ой, 
    Жаз бойы күн санап шаршадым. 
    Ой, қойшы, оқуды емес қой, 
    Өзіңді көрсем деп аңсадым! 

    Сен менің сырымды білмейсің, 
    Сондықтан жүрегің сезбес түк. 
    … О, ғажап, алдымнан Күндей шын, 
    Сен шықтың, 
    Біз міне кездестік. 

    Сәлемнен басталып сөз басы, 
    Әңгіме сабаққа ауысты. 
    Деп жүрек: 
    «Бір сезім қозғашы» 
    Сәт санап шыдамды тауысты. 

    Бос уақыт өтсе де бөлек боп, 
    Әйтеуір сабақта біргеміз. 
    Мен соған ризамын ерек көп, 
    Кездесіп жүрміз ғой күнде біз. 

    Бір сезім бар болып демімде, 
    Мен бүгін іздедім анық шын. 
    Сағынта түсейін дедің бе? 
    Сабаққа сен келмей қалыпсың. 

    Себебі бар екен бұл істің, 
    Кездесіп отырсың өзгемен. 
    Ал мені көрмеуге тырыстың, 
    Бір сұмдық боларын сезген ем. 

    Үзілді сенімнің үміті, 
    Көрдім ғой бұл шындық, анықты. 
    Үшінші курстың жігіті, 
    Беліңнен құшақтап алыпты. 

    … Мен үшін атады әлі-ақ таң, 
    Періштем боп қалшы жаны ізгі. 
    Сен үшін әлдебір сабақтан, 
    Махаббат мың есе маңызды.

БІЗДІҢ САЙТ ӘЛЕУМЕТТІК ЖЕЛІЛЕРДЕ: